Alora illes sapera que Io es le Senior

(In le anglese ci)

In schola io habeva un maestro, qui amava un dicto latin, que es traducite: Repeter es le matre de apprender.

Un loco, ubi nos vide especialmente isto es in le libro de Ezechiel. "Alora illes sapera que Io es le Senior." Deo usa varietates de iste phrase in Su message al profeta septanta-tres vices.

Con iste nomine Deo se monstra como le un Deo ver e viviente; eterne, existente, le Creator de toto, le Fonte del vita.

Le infantes de Abraham habeva le favor de cognoscer le Deo ver. Mais in vice de un conducta de pietate, illes monstrava mal desiras sin regret.

Totevia il es non solmente de judicamento que Deo parla iste phrase per Ezechiel. Ille promitte: "Illes sapera que Io es le Senior, quando Io ha rumpite le ligamines de lor jugo e les livrate ab le mano de illes qui esseva cruel a illes." (Ezechiel 34:27)

Con le realisation de Su parolas, Deo monstrava a Su populo e a tote nationes, que Ille es le Deo eterne e unic, cuje Parola eveni semper e es non dicite jammais in van.

Con iste historia sancte nos sape que Deo exequera certemente Su judicamentos contra incredentes qui non regrette. Super toto nos cognosce Deo como le Deo de gratia e amor in le promissas de un Salvator ab mal.

Iste promissas esseva exequite in le nascentia, vita, morte e resurrection de Su Filio Jesus Christo. E sapiente isto nos es certe de nostre salvation.