Naves: le Stella de India

 Stella de India esseva un nave de ferro con velas construite al Insula de Man in 1863 in le principio con le nomine Euterpe. Illo navigava inter Liverpool e India. Post 1871 illo navigava a Nove Zelandia e circum le mundo 21 vices. In 1897 le nave esseva vendite al possessores in Hawaii, e in 1899 in California. In 1901 un compania de piscar lo comprava. In 1906 le nave esseva renominate Stella de India. In 1926 illo esseva vendite a un museo. Le nave ora es le possession del Museo Marin de San Diego in California.

Naves: Golden Hind

 Golden Hind ("Cervo feminin de auro") esseva un nave anglese, que circumnavigava le mundo de 1577 a 1580. Le capitano esseva sir Francis Drake.

Naves: Bounty

Wikipedia 

Le nave esseva construite in Anglaterra in 1784. In 1787 le nave esseva reconstruite pro portar arbores de fructo-pan (Artocarpus altitis). Le governamento britannic sperava que le arbores de Tahiti poteva crescer in Jamaica pro provider nutrimento incoste a sclavos. Le nave esseva parve, circa 28 metros de longitude. Le nave comenciava con 46 marineros. 

 Le capitano del *Bounty* esseva locotenente Bligh (pronunciation: Blai). Ille essayava de passar le Capo de Horno durante un mense, ma le ventos le impediva. Alteremente ille dirigeva le nave circum le Capo de Bon Sperantia. Post dece menses le nave arrivava a Tahiti in 1788. Le nave remaneva al insula cinque menses. Alcun marineros non voleva partir.

 Il esseva le anno 1789, quando le nave partiva. Post tres septimanas un amico del capitano, Fletcher Christian, conduceva un motino. Le capitano e dece-octo marineros esseva ponite in un parve barca. Le marineros disobediente retornava a Tahiti. Alcunos remaneva la, ma alcunos con poc tahitianos e tahitianas se installava al Insula Pitcairn, ubi illes ardeva le nave. Le mutineros occideva le un le altere.

 Le marineros fidel al fin veni a Anglaterra con le adjuta de nederlandeses in 1790. Alcunos habeva morite a causa de maladia o nativos. Poc motineros esseva arrestate e retornate a Anglaterra. Post un secunde viage Bligh succedeva a portar arbores de fructo-pan a Jamaica, ma le sclavos non voleva mangiar los, preferente cereales. Postea ille deveniva un governator in Australia e un admiral.