Poemas

Matre Ansere

        I

Le vento sufflara,

E tosto nivara,

Pectorerubie, ah,

        Povre tu!

        

In un stallo celar se

Pro la conservar se

Con capite sub ala, he,

        Povre tu!

        

         II       

        

Somnolente dice, Nos vade al lecto;

E Lente dice, Melio a pausar;

Avide dice, Apporta un patello,

Nos mangia e non debe hastar.

        III

Capillos buclante! Non lava le plattos!

Si mie, tu non nutrira le porcos.

Tu sedera, suente super cossinas,

E mangiara crema e sucro con fragas.

         IV

Suffla, Vento! e vade, Rota!

Le molinero pote molinar,

Le panero pote cocinar,

E panettos pote delivrar

Calide a nos de bon hora.

Christina G. Rosetti

Qui videva le vento?

Certo ni io ni tu.

Quando folios se chassa,

Ora le vento los passa.

Qui videva le vento?

Certo ni io ni tu

Quando arbores se bassa,

Ora le vento los passa.

        Halto in un bosco durante un nive

        per Robert Frost (SUA)

Io sape cuje bosco es isto -

Su casa sta in village distante;

Ille non vide que io ora specta

Su bosco con nive plenante.

Stoppar sin mesmo un casa proxime

Le cavallo opina como estranie 

Isto vespere plus longe del anno

Inter le bosco e laco con glacie.

E ille succute su campanettas

Pro demandar si io ha errate -

Le solo plus sono es le scopar

De nive trans terra sufflate.

Al bosco il pare obscur e profunde, 

E io non me torna a domo

Un tempore longe ante somno,

Un tempore longe ante somno.

Erie Canal

Wikimedia Commons 

(canto statounitese traditional)

Io ha un mula, e su nomine es Sal,

Dece-cinque millias secundo le canal;

Illa es un bon obrera e un mula amical,

Dece-cinque millias secundo le canal.

Nos ha tirate barcas con

Palea e ligno e carbon;

Nos ja cognosce cata passo, oh,

De Albany verso Buffalo.

refrain:

Inclina vos, ponte basse la!

Inclina vos, un urbe jace la!

Oh, vos contara a omnes,

Illes lontan e local,

Si vos ha navigate ci secundo le canal.

Nos tira barcas al Erie Canal,

Dece-cinque millias secundo le canal -

Sponde vostre vita, io non lassara mi Sal,

Dece-cinque millias secundo le canal.

Va, mula, un esclusa la!

Nos certo Rome attingera,

Un halto plus, post isto, no,

Nos vadera verso Buffalo.

Le Valle del Rubie Riviera

 

Con tu surriso brillante - on dice -

De iste valle tu tosto partira;

E le sol super nostre cammino -

Isto tu vermente removera.

Refrain:

Ora sede te con me, si tu me ama,

E non dice un adeo a me;

Rememora le valle e riviera

Del vacchero, qui parlava con te.

Esque tu pensara de iste valle? 

La qual obscuritate essera! 

Le dolor, que tu causa a omnes, 

E le cordes fidel tu rumpera!

Sub le loco ubi tu ha vagate,

Sub le arbore nos me interrara;

Si, tu parti del Rubie Riviera,

E post isto io tosto mortira. 

Yankee Doodle

Yankee Doodle al village 

Vade con cavallo

Pro attraher le feminas,

Un pluma in su cappello. 

Yankee Doodle, sia bon,

Yankee Doodle belle! 

Con feminas e con le dansa

Sia excellente! 

Patre e le capitano 

Con me vadeva al campo,

E il habeva le soldatos

Spisse como crema.

E iva senior Washington, 

Cavallo tal brillante, 

Al homines la - un million? -

Al omnes ordinante.

Tocatto e fugue in D

Plus un video in Interlingua:

Tocatto e fugue in D