Assassino in le Casa Blanc

 Tubos de aqua al casa del presidente statounitese, le Casa Blanc, esseva completate in 1833. Illos esseva reimplaciate in 1850. Inter iste duo annos qualcosa estranie occurreva in le Casa Blanc.

Tres presidentes moriva durante iste annos: William Henry Harrison, James K. Polk, Zachary Taylor. Harrison moriva a causa de pneumonia post esser le presidente solo un mensa. Polk moriva tres menses post completar le termino a causa de un maladia gastroenteric. Taylor moriva in officio de un maladia gastroenteric.

Recercantes trovava que medicos tractava tote tres presidentes pro maladias gastroenteric. Illes trovava anque que le merda de Washington, D.C. esseva colligite e poneva in un discargatorio contracurrenta del fonte de aqua que le Casa Blanc usava. Un canal del citate esseva anque usate como un discargatorio. Le casa usava aqua del fluvio Potomac post 1860. Illes concludeva que le tres presidentes probabilemente moriva a causa de bacterios Salmonella.

Un filio, Willie, del presidente Abraham Lincoln moriva anque de un maladia gastroenteric in 1862.

Referentias

https://www.fwpcoa.org/content.aspx?page_id=2507&club_id=859275&_id=1252&pst=7966

https://www.saturdayeveningpost.com/2019/04/killer-in-the-white-house/

Patagon

 Patagonia es al sud de America del Sud. Le nomine Patagonia veni del parola Patagón usate de explorator Magellan in 1520. Le parola esseva pro le nativos; su marineros pensava que illes esseva gigantes. Il esseva dicite que le patagones esseva duo vices plus grande que un homine normal. (Le talia medie de un homine del tempore esseva 155 cm o 5'1".) Durante multe annos il esseva pensate que le parola Patagón esseva del espaniol pro ”grande pede”, ma studios plus recente ha trovate un pecia theatral del tempore con un monstro nominate Patagón.

 In le principio anque exploratores de altere paises contava super le patagones. Il pareva que le patagones esseva plus e plus parve. Alcunos diceva que le nativos del area habeva simplemente un talia plus grande que le medio. Esque le racia de patagones ha dispareva? O esque isto es le resultato de un manco de instrumentos precise e troppo multe imagination? 

 Io suppone que exploratores sentirea un besonio de dar reportes interessante a illes, qui ha pagate le viage pro illes...

Le mysterio de Butch Cassidy e le Sundance Kid

 Le nomine ver de Butch Cassidy esseva Robert LeRoy Parker. Le nomine ver del Sundance Kid ("le Puero del Dansa del Sol") esseva Harry Longabaugh. Illes cambiava lor nomines pro evitar arresto. Illes furava multe milles de dollars ab trainos, particularmente in le Stato de Wyoming. Pro evitar arresto illes al fin partiva a Argentina in 1901. Illes habitava in le area salvage de Patagonia. Totevia le ferrovias statounitese promitteva un premio grande al alcuno qui poteva capturar o occider les. Cassidy e Longabaugh de novo viagiava a Bolivia pro evitar iste chassatores.

 In Bolivia in 1908 il pare que illes furava un currero, qui portava le monero al obreros de un mina de argento. Illes habeva coperite lor facies pro evitar recognition. Le proprietario del casa, in que illes habitava, les suspectava. Le chef del policia con soldatos attaccava le casa. Post un longe combatto, duo homines morte esseva trovate in le casa. Illes esseva interrate in tumbas in le Citate de San Vicente.

  Totevia alcunos diceva que illes superviveva. Le soror de Cassidy diceva que ille habitava in Wyoming e moriva la in 1937. Illa refusava dicer ubi esseva le tumba. Alcunos diceva que Longabaugh moriva in Utah in 1936. 

 In 1991 recercatores prendeva ADN de parentes e examinava le corpores in le tumbas. Illes trovava nulle similitude con le ADN. 

 Lo que eveniva Cassidy e Longabaugh es un mysterio. Probabilemente illes moriva in Bolivia, e lor tumbas non esseva marcate correctemente. 

Mokele-mbembe

 

Mokele-mbembe significa "illo stoppa le fluxo de fluvios". Illo es un creatura del cultura del bassino del Riviera Congo. Illo es describite a vices como un creatura vivente, a vices como un spirito. Alcun personas dice que illo es un dinosauro del typo sauropode. Viages comenciate in le spero de trovar signos de Mokele-mbembe ha fallite. 

Turre del Diabolo

 

Le Turre del Diabolo (anglese: Devils Tower) es trovate in le stato Wyoming in le Statos Unite. Illo ha le apparentia del basso de un arbore gigante con scalia multo crude e profunde. Illo es 264 metros del alto al basso. Illo deveniva le prime monumento national del Statos Unite, comenciate in 1906 de presidente Roosevelt.

Scientistas non es de accordo super le formation del turre. Un theoria es que illo es le corde de un vulcano, post le exterior plus molle dispareva.

Indianos american appellava le turre "le habitation de ursos". Illes credeva que le muros del turre esseva excavate de ursos gigante con lor ungues. Un traduction mal del nomine del indianos causava que un gruppo de "blancos" al loco in 1875 lo nominava "le Turre del Diabolo". Le turre de facto ha un apparentia espaventabile. A iste die le indianos ancora respecta le loco.

Le turre es le loco prendite, ubi obreros de governamentos incontrava creaturas extraterreste in le filmo "Close Encounters of the Third Kind" (Incontros proxime del tertie genere).

Extraterrestrial

"Extraterrestrial" es formas vivente, que non es original in o del planeta Terra. Usque a ora necun ha essite trovate. 

Le mysterio del indianos mandan

Indianos american o vikings o galleses?

Il ha contos que le indianos american con le nomine mandan, qui habitava le costas del Riviera Missouri in presente Dakota del Nord, includeva gente blanc. Esque isto es possibile?

Un theoria es que le mandan acceptava vikings. Il ora es cognoscite que vikings veniva a America del Nord circa le anno 1000. Le mandan habeva le fama de esser multo amical. Esque vikings habitava con illes?

Un altere theoria es super le gallese Prince Madoc. A causa de combatto inter altere chefs gallese, in 1170 ille con su gente partiva in naves pro trovar un terra plus pacific. Il habeva in le initio del habitantes europee in America del Nord poc contos super indianos qui parlava le lingua gallese. Esque il poterea esser, que illes habitava con le mandan?

Un altere affaire curiose es que le mandan ha un historia de un homine qui superviveva un grande inundation, multo similar al historia super Noe in le Biblia.

Un del prime blancos qui visitava le mandan esseva un francese-canadiano, Pierre Gaultier, Sieur de La Verendrye, durante que ille cercava le "Mar del West". Ille scribeva isto in 1738: "Le nation es miscite blanc e nigre. Le feminas es assatis belle, particularmente le blancas, multes con capillos blonde."

Carta ancian con le Mar del West - Wikimedia

Le capitanos american William e Clark visitava le mandan in 1804 e 1806. Illes diceva nihil super gente blanc. Totevia un de lor soldatos, Joseph Whitehouse, scribeva: "Illes ha un multo blanc color." (Le honor del capitanos es famose - de Whitehouse dubitose.) 

Le pictor famose George Catlin visitava le Mandan in 1832 pro registrar con picturas lor maniera de viver. Ille scribeva: "Il ha multo multes de iste gente cuje facies es pallide. Inter le feminas es specialmente multes, cuje pelles es quasi blanc; con oculos brun, gris e blau." (Nota le parola "quasi".) Ille pensava que lor barcas esseva similar a illos del galleses. 

Un picture del puera del Mandan per Catlin - Wikimedia 

Quasi tote le mandan, amical al blancos, moriva a causa de maladias del blancos, specialmente variola. Eventualmente le blancos fortiava le superviventes a terra reservate pro indianos. Illes se intermaritava con altere gentes indian. Le persona, qui credeva que illa esseva le ultime pur del mandan, Mattie Grinnell, moriva in 1975.

Circa vinti annos retro io attendeva un lection super iste affaire a Fort Abraham Lincoln State Park [Parco del Dakota del Nord del Castello Militar Abraham Lincoln], que ha un reconstruction de un village del mandan. Le indianos mesme prefereva le idea del vikings. Totevia le parlator chef blanc non credeva le theoria; ille diceva: "Nos blancos ama le mandan. Dunque nos essaya facer les esser como nos."

Le reconstruction de un village del mandan - Wikimedia 

Mi proprie theoria es que qualque blancos usava le idea de indianos blanc pro vender le libros que illes scribeva super lor viages al west american. Nos totevia non sapera jammais. 

Fontes:

Journal of the First Expedition of Pierre Gaultier, Sieur de LA Verendrye to the Mandan Villages on the Missouri. (Traduction del francese) 

James D. McLaird: The Welsh, the Vikings, and the Lost Tribes of Israel on the Northern Plains: The Legend of the White Mandan. 1998, South Dakota States Historical Society.

Fort Abraham Lincoln State Park, North Dakota. 

Bigfoot

Wikipedia 

Le bigfoot [anglese: "grande pede"] o sasquatch es un creatura de historia dubite. Il es dicite que illos es grande simias, que habita areas salvage de Canada e le Statos Unite, sovente in le nord-west pacific. Multe homines dice que illes ha vidite un bigfoot o le tracias de lor pedes, ma nemo ha un capturate o trovate un corpore morte de illo. Le bigfoot, il es dicite, es multo grande, 2 a 2,75 metros de altitude, e covrite con pelle. Historias de tante creaturas es anque cognoscite inter indianos american.  

Chupacabra

Wikipedia 

Le chupacabra es un animal, que non es probate de exister. Le nomine es de espaniol "suge capra", proque ille attacca e bibe le sanguine de animales de fermas. Le descriptiones non es de accordo. Un explication es que illos es canes salvage, que perde lor cappillos.  

Vlad III de Wallachia

Vlad III o Vlad Dracula esseva le Prince de Wallachia tres vices inter 1448 e su morte in 1476 o 1477. Ille es considerate un del plus grave governatores de Wallachia e un heroe national de Romania. In le mundo de parlatores del anglese, Vlad es cognoscite pro le historias super su actos cruel. Iste historias dava a Bram Stoker le idea pro su character principal in le libro popular DRACULA.

Dracon

Un dracon es un creatura imaginari simile a un serpente. Il ha historias super dracones in le traditiones chinese, europee, sud-american e multe alteres.*

* icr.org/article/dragon-art-defies-millions-of-years

Le demonstration de incontros con dracones del Instituto del Recerca pro Creation disputa le evolution del dinosauros e le milliones supponente del annos del historia del dinosauros. Como artistas ancian, qui non videva jammais un tante reptile, poteva crear pecias, que simila tanto proximemente le modellos presente? Multe de iste pecias de arte monstra homines e dracones vivente insimul.

Un pictura de Peru ancian pare monstrar homines chassante un dinosauro

Altere pecias de arte ancian multo simile al dinosauros