Disqualificate

        per Charles Fonteney

        pictura per Kelly Freas

        

        (condensate)

        

        Post le examine del matino, Tardo, le agente del Adjuta al planetas del Consilio stellar, e su socio Peo esseva conducite a un certe castello, le qual jaceva super un collina supra le area.

        Saranta, le hospite, qui pareva esser le proprietario ric de iste portion del planeta los grandemente amusava con un repasto regal: beefsteaks con un sauce de vino e vegetales unic del planeta.

        Tardo diceva durante que illes mangiava, ”Si io vos recommendara favorabile, il ha certe instrumentos technic in le nave, le quales essera immediatemente date a vos. Il ha certe necessitates: nulle practicas cruel de religion, nulle sclavos...”

        Saranta diceva, tornante su vitro, ”Nos senti que nos ha ben facite, post que nostre patres veniva al planeta ante mille annos. Il habeva nulle combustibile pro nostre nave, e le nave habeva se oxydate. Vostre es le prime nave, le qual ha atterrava ci post le civilisation del planeta. Il certo habeva difficultates - plantas multo spisse, nulle animales - tirar un aratro es travalio difficile pro homines.”

        Tardo demandava, ”Vos non usava sclavos?” 

        Saranta respondeva, ”Le colonos esseva alacre a laborar le un con le altere pro facer le planeta habitabile.”

        Tardo diceva, ”Que super le servintes ci?”

        Saranta tristemente respondeva, ”Il ha istes que pensa que le paga es troppo grande.”

        Quando le repasto se finiva, le duo homines del nave esseva conducite a un tour del loco. Peo esseva le navigator del nave del consilio. Ille tentava vider lo que Tardo viderea durante un inspection si breve.

        Saranta regrettava que illes debeva ambular, explicante que il habeva nulle altere medio de transporto super le planeta.

        Ille addeva, ”Nos spera que transporto essera inclusive in le prime adjuta, le qual vos nos dara.”

        Tardo demandava super le campos. ”Io vide que nemo labora in illos.”

        Post un momento Saranto respondeva, ”Le obreros qui laborara in le campos - certo pro le paga - es a un urbe vicin o altere a iste tempore.”

        Alpha Persei se poneva al west, quando Tardo e Peo partiva ab Saranta e ambulava a lor atterrator.

        Peo diceva, ”Si deman le inspection essera si satisfactori, io suppone que tu recommendara le comenciamento de adjuta technic?”

        Tardo respondeva, ”Il habera nulle tour de inspection deman, e io recommendara contra le adjuta a iste tempore. Il ha duo classes de gente de iste planeta, e nos ha vidite simplemente un. Le altere non es melior que animales.”

        Peo demandava, ”Si tu los non vide, como tu sape que existe tante classe?”

        Tardo diceva con voce basse, ”Si tu stomacho pote ora tolera: iste planeta ha nulle animales. Totevia nos mangiava le beefsteaks deliciose...”