per Lester del Ray, 1954
Ultra le porto de observation del hypercruciator Clarion jaceva le obscuritate de nihil. Il habeva ni stellas, spatio, ni tempore circum illes.
Capitano interimari Lenk stava con su dorso verso le tres alteres, durante que ille reguardava lor reflexiones seriose in le porto. Al fin ille diceva, ”Io debe rememorar vos que nos ha le commando a cercar tote planetas habitabile secundo le linea verso le Terra. Io vota, que nos obedi le commando. Jeremy?”
Le xenologista lassava le spatulas cader. ”Nos cercava le ultime planeta insufficientemente. Io vota que nos nos retorna a illo e face le labor perfecte.”
”A casa — presto!” Iste rugito veniva del minerologista basse con barba nigre, Graves. ”Deo non voleva dicer jammais que le homine debe lassar le mundo, al qual Ille le poneva!”
Lenk rapidemente interrumpeva. ”Aimes?”
Illes ja habeva audite le argumentos de Grave violente e religiose sin fin.
De illes totes, Aimes, le linguodynamicista, participava in le argumentos plus poco, e apparentemente evitava le alteres. Ille diceva curtemente, ”Con te, capitano.”
Ille se tornava a calce e lassava le cabana de controlos pro retornar se al studio del scripturas incognite del planetas, le qual illes habeva visitate. Graves expirava un sibilo menaciante e le sequeva, probabilemente al cocina proque il habeva su vice a cocer.
Lenk attendeva un secunda, e alora decideva que monotonia esseva plus pejor que tote cosas plus. Ille demandava, ”Jocar chacos, Jeremy?”
Jeremy diceva, ”Alora, certo. Io arrangiara le joco durante que tu adjusta tu instrumentos.”
Nulle adjustar esseva necesse, proque Lenk non habeva extingueva le detector automatic. Si le approche monstrava planetas del grandor habitabile, le nave esseva preste pro lassar le hyperspatio al planeta plus favorabile.
Illes comenciava le joco con multo poc conversation. Jeremy alora arrivava a se. ”Io habeva ration, Lenk. Nos non explorava le planetas correctemente.”
”Forsan non,” Lenk respondeva. ”Ma con le possibilitate de extraterrestres approchante le Terra...”
”Absurde! Nulle signo de inimicos. Cata signo esseva que le gentes de iste mundos se occideva. Isto es pro le diminution de nivellos de cultura in le direction de colonisation.”
Lenk altiava le spatulas e se retornava al chacos.
Humanitate habeva construite solmente tres altere hypercruciatores capabile de passar le velocitate del lumine usque ora. Le prime habeva vader secundo un direction contra illo del Clarion e contava un diminution del cultura durante que le distantia de mundos habitabile foras del Terra se augmentava. Le plus proxime esseva in un condition medieval, le sequente in un epocha de bronzo, le sequente in un etate del petra, et cetera, al plus distante, ubi le gente habeva discoperite le foco justo recentemente.
Isto esseva o un coincidentia impossibile o le evidentia de alcun lege, le qual nemo voleva creder salvo le fundamentalistas, qui insisteva que le Terra es le centro del universo.
Le altere duo cruciatores non habeva reportate quando le Clarion departiva.
E lor viage simplemente habeva addite al mysterio. Ille habeva atterrate a quatro planetas habitabile, e a totos esseva evidentia de un gente altemente disveloppate e de un lucta vaste, le qual habeva completemente occidite le populo.
Le plus lontan habeva jacite inalterate durante un tempore inconcipibile, e a cata planeta sequente, le evidentia suggereva que le spatio del tempore post le destruction del cultura esseva minus. Al planeta, le qual illes justo habeva lassate, le fin certo non veniva plus que ante poc milles annos.
Lenk conjecturava, ”Suppone que un racia ja habeva vadite in un linea recte, seminante le systemas con vita? Memora que cata racia trovate habeva similaritates. E suppone que un altere racia trovava le linea e ora collige le profito — forsan con un arma, le qual lassa nulle tracia?
Jeremy le reguardava. ”Suppone que Graves ha ration, e su Deo destrue tote racias mal. Ille continua a plantar racias, sperante que illes essera bon, durante que Ille remove le alteres? Proque nos trova multe armas ma nulle skeletos?”
”Si alcuno haberea le realisation del arma de radios thermal...”
”Absurde! Si isto poterea vaporisa le calcium del ossos, isto vaporisa anque partes del armas que nos trovava. Chaco mat.”
Un lumine pallide veniva per le fenestra de observation, e un signo sonava in le camera. Lenk saltava al pedes e hastava a su schermos.
Ille diceva, ”Forsan nos ora sapera. Nos atterrara a un planeta post circa hora. E illo pare multo simile al Terra de iste vista.”
Ille augmentava le poter al magnificatores e de novo lo studiava, durante scander le superficie del planeta sub ille. Ille indicante con un digito demandava, ”Esque tu vole que io va atterrar proxime a un citate?”
Jeremy signava con le capite.
Le citates esseva ruinate. Le edificios ora habeva perdite lor altos, e lor bases monstrava cavos grande.
Illes atterrava al centro del citate plus grande post un exploration rapide del superficie. Aimes e Jeremy lassava le nave in parve tractores.
Graves restava in le nave. Ille habeva decidite que poner un pede a un planeta extraterrestre esseva un peccato major que viagiar in spatio.
Lenk finiva le observationes necesse. Al fin, ille se vestiva in vestimentos del labor e lassava a pede.
Herba quasi identic al herba del Terra cresce per le stratas rumpite, e il habeva arbores ci e la. Ille colpava con pede lapides e fragmentos ubi illos jaceva super le terra humide. Il habeva nulle insectos, e nulle animales reguardava del fundamentos, e le herbas dava nulle signos de esser mangiate.
Ille vadeva ab le sector del edificios major e a lo que pareva un parco.
Ille quasi cadeva super alcun cosa e se clinava pro levar lo. Ille alora decifrava un tubo con un cameretta, in qual esseva bolletas, ma ora coperite con oxydation.
Il esseva un ruina proxime de oxydation e partes, le qual esseva un variation de un mitraliatrice.
”Stoppa!” Illo esseva le voce de Jeremy, e le tank passava un angulo e le approchava. ”Le cosa es possibilemente un trappa.”
Ma ante meridie ille abandonava le idea de trappas.
Ille se sentiva certe que le habitantes de iste mundo habeva essite plus simile al homines que le grande numero de altere racias. Ille pareva haber duo gambas e bracios, e capites erecte al parte superior del corpore. Le picturas al parietes esseva estranie pro le color poco verde del pelle e le manco de nasos e aures exterior.
Ille veniva a un camera, le qual habeva essite sigillate, fortiava le porta e entrava. Bancos e sedes stava secundo le pariete, e un tabula forte stava in le medio. Super illo habeva un cumulo de cosas diverse. Ille los attentivemente studiava — cincturas, armas e pecias de plastico.
Post justo un minuta, ille critava a Jeremy per su communicator. Le xenologista appareva post minus que cinque minutas.
Ille videva le expression de Lenk e altiava su spatulas. ”Un quantitate de ligno e drappo ancora conservate, ma nulle ossos.”
Lenk suggeva, ”Un gas corrosive...”
Jeremy succuteva le capite. ”Vide le cinctura? Illo es facite de plantas, como lino. Nulle gas si forte a destruer un corpore haberea lassate isto integre. E nos certo sape que illes habeva skeletos. Nos ha trovate modellos in un museo apparente.”
Ille moveva su mano per le armas, durante que ille succuteva su capite. ”Tote le armas in locos como isto monstrava le evidentia de un designo. E tote le ornamentos es in le forma del littera T, como isto.”
Ille levava un instrumento de aciero ab le solo e lassava lo cader. ”Ma foras al placia es al minus duo designos. Iste vice il quasi pare que tu idea de un invasor extraterestre pote valer le consideration.”
Le radio a su flanco donava un ruito. Jeremy diceva, ”Aimes ha trovate alique.”
Illes trovava le linguodynamicista in le ruina de un edificio, in le qual esseva alcun grande canales de cemento. Le homine corpulente indicava a alique pendente al pariete. A prime vista, illo pareva esser un pictura de plu homines verde, qui pareva submittite a alcun genere de tortura. Postea lor oculos avantiava — e illes tremeva.
In alto super le homines verde, tres monstros aliquanto reptilian volava, totes con flagellos. Un del homines verde tentava defender se con un grande arma con le forma del T, ma le alteres esseva inope. Le monstros habeva grande alas fede a lor spatulas.
Lenk diceva, ”Le invasores. Ma lor armas non esseva si grande...”
Aimes diceva con amaritude, ”Illo nos diceva nihil salvo que il esseva duo gruppos.”
Jeremy lo studiava plus proxime. ”Ma al minus isto es un tracia, que il esseva inimicos dissimile al gente, le qual habitava ci. Lenk, esque io pote usar le explorator?”
Ille le diceva, ”Si. Jeremy, si isto significa que le racia human debera opponer monstros extraterrestrial simile a istes...”
”Illo significa nihil!”
Lenk studiante le placard stava. Al fin ille lo removeva, e ille lo involveva e portava al nave.
Cata mundo habeva essite destruite le un post le altere, e catas con le mesme maldiction. Le racia ascendeva a un cultura alte, e postea esseva removite post poc annos. Le destruction includeva tote vita del planeta salvo vegetal — e ha removite mesmo le ossos.
Mesmo ora le Terra poteva suffrer le invasion! Illes habeva essite absente tres annos. Possibilemente illes poteva retornar se al Terra e trovar lo un deserto!
Graves veniva al camera de controlo, portante lunch, e videva le pictura. Ille diceva, ”Ben meritate. Reguarda les in inferno, suffrente le flagellos del diabolos. E illes tene le signo de incredentes.”
Le idea de Graves non esseva troppo estranie. Le creaturas pareva diabolos, e le forma del T poteva esser un signo religiose. Esque un altere religion habeva usate le cruce ”tau” in su adoration?
Durante tempores de difficultates extreme, humanos cercava un securitate in fide. Esque il non esseva si natural, que racias extraterrestre faceva le mesme?
Lenk audiva un explorator se retornante. Ille trovava Aimes e Jeremy discargante multos.
Aimes diceva con gaudio, ”Un bibliotheca integre! Post duo septimanas, io pote parlar le lingua como un nativo.”
Lenk le diceva, ”Ben! Post iste tempore, nos essera de novo al Terra. Si il ha qualcunque chance, que nostre gente debe essite prevenite super inimicos extraterrestre, io non plus attende!”
Jeremy respondeva, ”Tu pote oblidar le inimicos.”
Le extraterrestres essite provate a esser un gruppo de gente con pelle violette al altere latere del planeta.
Illes ora esseva alacre super le retorno al Terra e a colliger un expedition nove.
Lenk comenciava directemente al camera de controlo. ”Isto ancora non explica le maniera que le destruction seque un linea recte al Terra!”
Le hyperpropulsion se accendeva.
Un septimana passava.
Graves apportava a Lenk lunch con un ver surriso. ”Deo ha ponite le incredentes ante me, un prova, que Armageddon certo venira, e io es inviate pro apportar le bon novas a Su fideles!”
Lenk commenciava al camera del duo scientistas remanente. Ille trovava les reguardante un genere de filme.
Ille diceva, ”Io audi que nos es proxime a Armageddon.”
Ille attendeva surrisos de illes, ma nulles veniva. Aimes faceva un signo de capite.
”Un periodo quando religion pare diminuer se — postea un renascentia, un retorno al fide in le prophetias. Revelation se refere al fin de Armageddon, quando le mundo essera destruite. Iste populo verde habeva le mesme prophetias religiose. Armageddon. Armageddon contagiose. Iste populo habeva un scientia altemente disveloppate. Illes discoperiva sporas, le quales flotava ab planeta a planeta.”
Jeremy respondeva, ”Le sol question es quanto del tempore remane a nos — un septimana o un mille annos? Io ancora vole saper lo que eveniva a tote le skeletos.”
Lenk se retornava al camera de controlo. Su pensatas debeva acceptar lor explicationes.
Totevia viage spatial plus rapide que le velocitate del lumine debeva facer le differentia. Un tal guerra poteva esser evitate eternalmente.
Ille comenciava a planar como ille poteva establir un colonia super un altere planeta. Post dece annos, humanos pote esser secur. Le racia poteva continuar.
Ille se sentiva quasi alacre, quando illes lassava le hyperpropulsion proxime al Terra e se atterrava.
Le skeletos — jaceva ubique.
No comments:
Post a Comment