Imperio de formicas 2

        Il esseva circa meridie quando illes incontrava un canoa coperite.

        Le Santa Rosa a prime vista non appareva abandonate; ambe velas esseva levate e pendeva in le calma del meridie, e il habeva le figura de un homine sedente al parte anterior. Un altere homine appareva dormiente, le facie al ponte.

        Quando le nave approchava le latere, le canoa se rolava un poco, e le figura del homine anterior cadeva como si le articulos falleva.

        Le capitano diceva, "Esque vos lo videva?"

        Holroyd diceva, "Morte!"

        "Videva vos le facie per 'asardo? Illo esseva - io ha necun parolas."

        Le nave se tornava, navigava parallel al canoa, e lassava su barca cader con da Cunha e tres marineros.

        Holroyd observava que le plancas de ponte medie habeva maculas nigre movente.

        Ille diceva, "Capitano, ha vos vostre binoculo?"

        Il pareva a ille que illos esseva un multitude de grande formicas nigre, multo como formicas ordinari excepte in grandor e le facto que poc de plus large de illos portava un specie de vestimentos gris. Le capite de da Cunha appareva super le latere del barca.

        Gerilleau diceva, "Tu debe entrar."

        Da Cunha diceva que illos esseva plus grande que tote altere formicas que ille videva jammais. Circa un de vinti esseva multo plus grande que le alteres e con un capite plus grande.

        Le capitano diceva, "Il es tu deber a entrar."

        Da Cunha pareva preste a refusar.

        Holroyd diceva, "Io crede que iste homines esseva occidite per le formicas."

        Le capitano critava irate, "Io commandava que tu entra."

        Da Cunha ageva con corage, dava un salute militar e ascendeva le ponte del Santa Rosa.

        Holroyd videva que le formicas fugiva ante le scarpas de da Cunha.

        Le Santa Rosa, como illes esseva de accordo, esseva abandonate; totevia ille esseva troppo plen con formicas, dunque homines non poteva remaner in illo - illes debeva tirar lo. Da Cunha vadeva anteriormente pro prender e ligar le corda, e le marineros in le barca stava pro adjutar le.

        Holroyd videva que multe formicas - illos pareva portar cargas estranie - se moveva in gruppos de un puncto de obscuritate a un altere.

        Illos insimul avantiava. Le locotenente subito critava e blasfemava e batteva su gambas. Ille critava, "Io es pungite!"

        Ille subito saltava al aqua.

        Le tres homines in le barca le tirava ex le aqua e apportava al nave, e in le nocte ille moriva.